خبطه قدمكم عالارض هداره وينكم يا عرب ؟ وينكم يا اعضاء الكنيست العرب ؟ وينكم يا قاده الجماهير العربيه في الداخل ؟ معقول الكل مخصي او صار من انصاف الرجال ؟ هم اصحاب هاي البيوت اللي بتنهدم يوم يوم من المريخ ؟ معقول نسينا القصه اللي تعلمناها بالابتدائي قصه " اكلت يوم اكل الثور الابيض " ؟ مين مفكر انو بعيد عن هدم بيتو ؟ واذا مش بيتو بيت اخوه او قريبو او صاحبو او ابن بلدو ؟؟ درزي والا بدوي والا مسلم والا مسيحي - بالاخر عرب والله - وين النخوه وين الشهامه ؟ بعرف ماتت واحنا ما بدنا نحارب الدوله - بس ليش ما نجرب نعمل مثل غاندي ؟ غاندي حارب اقوى امبراطوريه عرفها التاريخ - بشو حاربها ؟ باشي زغير اسمو " الساتياغراها " يعني العصيان المدني وعدم استعمال العنف نهائيا – حارب الامبراطوريه التي كانت لا تغيب الشمس عن مستعمراتها حاربها وهزمها فقط بعصايتو وعنزتو ولقمه خبز ناشفه – حاربها وهزمها بالمقاومه السلبيه – اقنع الهنود اللي هن كانو افقر منا بمليون مره وحياتهم كانت اتعس من حياتنا بمليون مره – اقنعهم يضربو بالشوارع – ما يشتغلو – حاولت بريطانيا بكل الطرق تكسرهم ولم تنجح وفي النهايه خرجت بريطانيا – اسف مش خرجت بل أخرجت رغم انفها من الهند – اكبر مستعمره كانت لبريطانيا – طيب شو العمل ؟ والله بسيط لو في قياده حقيقيه للشعب – وينكم يا أعضاء الكنيست العرب ؟ وينك يا حمد عمار – ويا طالب أبو عرار – ويا زهير بهلول – وينك يا عيساوي فريج – ويا باسل غطاس – ويا مسعود غنايم – وينك يا يوسف جبارين – ويا أيوب قرا –ويا عبد الله أبو معروف – وينك يا ايمن عوده – ويا اسامه السعدي – ويا احمد الطيبي – وينك يا ست عايده توما سليمان – ويا عبد الحكيم حاج يحيى – ويا جمال زحالقه – وينك يا ست حنين زعبي – وينكم يا رؤوساء بلدياتنا ومجالسنا المحليه المنتخبه ؟ وينكم يا مثقفين وينكم يا زعامه الوسط العربي ؟ قدامنا خيارين والخيارين كلاهما حلو – استقاله جماعيه لكل أعضاء الكنيست العرب ورؤوساء البلديات والمجالس المحليه – استقاله فوريه – هاد فعل سلبي ومش عنيف ما حدا رح يروح عالسجن لا تخافو – إضرابات شامله ويوميه في كل البلاد العربيه – اعتصامات امام الكنيست وامام مكتب رئيس الوزراء – فش مدارس – الأولاد بالبيوت او بالمظاهرات – وممكن عمل هاي الخطوات بدون الاستقالات هاي – بشرط وقوف أعضاء الكنيست ورؤساء البلديات والمجالس العربيه في طليعه المظاهرات والاعتصامات – كلها اعمال سلميه خاليه من أي مظهر من مظاهر العنف – العمال تضرب عن الشغل – الأولاد ما يرحو مدارسهم – ما حدا بيغصبني ابعت ابني عالمدرسه – ما حدا بيغصبني اكل – بدنا نصوم – خلي العالم كلو يتفرج ويشوف – الدوله لما طلبت من عزمي بشاره ينافس على رئاسه الوزراء صادوا عصفورين بحجر – فرجوا العالم كلو انهم مش عنصريين ولا ظالمين الاقليه العربيه – شايفين يا عالم هاي واحد عربي بينافس على اعلى منصب في الدوله – باراهن بعمري نقوم بهاي الخطوات يوم يوم لمده شهر – باراهن بعمري رح نحصل حقوق ما اخذناها من قيام الدوله لليوم – ما حدا يجي يقلي لي ما ابعت ابني للمدرسه ؟ التعليم مهم للطالب – صح الكلام – التعليم هو اقوى سلاح للإنسان – فش اقوى منو الا غريزه البقاء – والموضوع والله هو موضوع نكون او لا نكون – الموضوع ليس موضوع هدم اربع بيوت في قلنسوه وقبلها في قريه حرفيش وقبلها في كفر قاسم وقبلها في عاره وعرعره وام الفحم والقائمه طويله طويله – يلعن أبو التعليم اذا القصه قصه حياه او موت – بدي اقعد اولادي سنه كامله بالبيت – اضيع سنه كامله من تعليمهم اذا بالاخر بدي اضمن حياه انظف واريح واامن الهم - الدوله كل فتره بتحط ميزان حراره فينا – تشوف درجه الحراره عنا – وصارت تفهم انها بتهدم وبتصير شويه تنديدات واستنكارات واضراب يوم يومين وخلصنا – وبعد كم يوم بنرجع لنفس الكابوس - هناك حقيقه واحده توحد البشر – الموت – الموت يوحد كل البشر – فالكل يموت – ونحن في بلادنا هناك حقيقه أخرى توحدنا – نحن امام الدوله في النهايه عرب – بيت الدرزي يهدم وبيت البدوي يهدم وبيت المسلم يهدم وبيت المسيحي يهدم – في وقت صراع البقاء تظهر حقيقه الانسان الحقيقيه – تخيلو – من النقب الى الجليل الأعلى مشلول – مظاهرات في كل مكان – اعتصامات – صدقوني – خبطه قدمي ما الها قيمه – بس خبطه قدمكم عالارض رح تكون هداره

في موقع اسموا أسأل الطبيب أو الدكتور أربع وعشرين ساعة متواجدين انا كتبت مشكلتي للدكتور لما بعثتها طلع عندي حط الايميل ورقم بطاقة الاتمان متل فيزا وغيرو انا حطت مو رقم كتبت هو انا لو معي بطاقة اتمان فيزا كارد كان ما بصير عندي دوخه

في موقع اسموا أسأل الطبيب أو الدكتور أربع وعشرين ساعة متواجدين انا كتبت مشكلتي للدكتور لما بعثتها طلع عندي حط الايميل ورقم بطاقة الاتمان متل فيزا وغيرو انا حطت مو رقم كتبت هو انا لو معي بطاقة اتمان فيزا كارد كان ما بصير عندي دوخه

اريد ان تفتح القائمة

انت فاهم

أحلى و اروع معلمة هي المعلمة آمنة

هاي شباب أحبكم مره

احلى صف السادس ج

انا كمان بدعمك و بصوتلك على الرقم 17

منال موسى انتي بتجنني بس راح تكوني احلى بالحجاب

لي مين هو بدونق

انا اشكر كل من ساهم في تبليغي عن احوال الطقس ليوم الخميس ان شاء الله.

اذا في مجال تحطوا صور الحفل الذي كان في مدرسة سالم الاعدادية باسرع وقت وشكرا لكم